they’ve grown so fast xD

عمرهم الحين شهرين, لسه داخل البيت ما طلعناهم عشان القطوه الكبيره الي برا تكفخهم لما تشوفهم

+___+

ما شاء الله عليهم كيوت و نشيطين *_* لما يشوفوني يتعلقون في رجلي و يطلعون صوت الـ خرخرة

(استغربت لما المترجم يطلع خرخرة كـ ترجمة حق

purr(

الحين صرت اخليهم لحالهم و معتمدين على نفسهم في كل شي و كل الي علي اعطيهم اكل و العب معاهم XD

امي تقول انها للحين تتخيل امهم موجوده برا في الحوش مع انها هي الي شالتها يوم ماتت
._.

زوجة اخوي ولدت من يومين و الحمد لله هي و الطفل بخير XD

فـ الحين ما اقدر اخلي القطط في البيت و لازم اخليهم يطلعون برا قبل يجيبون البيبي @@ مع ان الطفل ما راح يكون موجود في نفس المكان مع القطاوه بس يمكن يتعلق شعرهم في ملابسي (عاد هم ما يقصرون يتعلقون فيني في أول فرصة تحصل لهم XD)

البيضا بنت عيونها زرقاء, و الثاني ولد عيونه رماديه و على ظهره علمة تعجب (!) و كل واحد فيهم ملقوف اكثر من الثاني

XD

فجأه حسيت اني أم ._. !

ههههههههه

و هذا نهاية البوست حق اليوم @_@”

(ما فيه اي معلومات عن كيف تعتني بالقطط في هالعمر (شهرين) لأنهم معتمدين على نفسهم خلاص)

مكرونة بصلصلة بيضا و مايونيز + سماق
دجاج محمر مع بصل و طماط و صلصلة طماطم
السلطة: طماطم و بازلاء

XD

sandwich and salad

عشان ماي طلبت مني اصور علب الغدا الي اسويها حق اختي

XD

هذي صورتها في الليل لما جهزت العلبه, لكن السندويتش المفروض تنحط في الحماصه قبل تاخذها اختي للمدرسة و هذا ما اسويه إلا الصباح
سلطة خس و طماطم و خيار + أسد عصير الليمون

XD

سندويتش لحمة مفرومة مع جبن و بطاطس مقلية , تنحط في حماصة البريد قبل الخروج من البيت

*_*

~~~~~
سويت علب شكلها اجمل و ارتب من كذا بس ما صورتها للأسف لوووول

إذا ما ركزنا على الكلام الي قاعد يقوله, الإخراج و المونتاج يضحك

XD

i’ve always thought about hosting a radio blog or video blog, but i dont think i should because i’m still wary about posting my voice over the internet x_x

i used to record my voice over the casette with the tape player with my sisters back when i was a kid XD i dunno where those have gone now (even if i found them, i dont think i have a casette player anymore O_O )

الصفحه الرئيسيه - ويكيبيديا.

I have no words!

My only question is:  Can somebody link me to Osakan wikipedia?

ميورا هاروما

السلام عليكم و رحمة الله و بركاته

اكثر شي عانيت منه في حياتي ان كل الناس الي اعرفهم لما اتكلم لهم عن اليابان او كوريا, أول ردة فعل بتكون:

وع, وش تحبين فيهم؟ انتي شفتي عيونهم الصغيره؟

و إذا الواحد مسوي فيها مثقف, بيتكون ردة فعله:

ايه هههههه اليابان لغتهم تضحك! (و إذا كان مثقف جداً بيقدم استعراض حق معرفته باللغه: شين شان شو)

(تكفون احد يقول لهم ان هذي خصائص من اللغه الصينيه)

فكرت كثيراّ جداً في السبب الي يخلي السعوديين يحسون انهم احسن من غيرهم, و ما قدرت القى إجابه @_@”

يعني وش بتستفيد إذا كانت عيونك اوسع من عيون الياباني او الصيني؟

وش الفرق بين لما تكون لغتك يابانيه او عربيه؟ هم يقولون ان اليابانيه تضحك لأنها مقطعه, طيب و الياباني وش رايه في اللغه العربيه إذا سمعها اول مره؟ اكيد بيقول لغه معقده و عنيفه و مليانه حروف مقرفه XD

عيونكم الواسعه ام جفنين و ثلاث جفون ما راح تخترع لكم مصانع السيارات الي عندهم, و لا تقنيات الهاتف المحمول و اهم شي ما راح تبعث فيكم روح التفاؤل و القامباتيه و البحث عن عالم افضل للجميع!

وش جاب السالفه؟ XDDDDD

اليوم اول ما قعدت من النوم نزلت اشرب كاس كوفي, و حطيت قناة اليابان NHK

كانوا جايبين برنامج وثائقي من منظور واحد شايب عاش و شاف القنبله على هيروشيما و الحياه من بعدها, و كان يتكلم بكل فخر و حنين حق الماضي ايام ما كان فريق هيروشيما حق كرة القاعده في بدايته. و لما رجع مع المصورين إلى الأستاد الرياضي الي صارت فيه اولى مباريات الفريق, حس ان ما تغير اي شي من ذيك الفتره حتى الآن.

طيب و واحد شايب يحب كرة المضرب, شفيها من الفخر؟

تخيلوا مدينة قرويه فقيره زي هيروشيما, ما فيها ناس اغنياء و لا مراكز رئيسيه تهم اليابان في ذاك الوقت و لا فيها موارد ماليه غير الزراعه و صيد السمك

تطيح فوقها قنبله نوويه تمحو معالم كل شي و تمحو كل الأشخاص الي كانوا موجودين حولها و تبعث إشعاعات تشوه اي احد كان يعيش في المدن الي جنبها و يشوه نسلهم إلى الأبد.

لكن لأنهم يابانيين, و لأنهم workaholics و لأنهم ما يتحملون يخسرون مدينتهم الوحيده الي عاشوا فيها, و لأنهم ما يتحملون يطلعون خسرانين قدام الكوارث.

اعادوا بناء هيروشيما

اعادوا بناء المدينه الي سقطت عليها قنبله نوويه!

هيروشيما بعد القنبلة النووية

مدينة اصبحت كالرماد في لحظات, هل يوجد ما هو مخيف و محبط اكثر من ذلك؟

لكن قوة العزيمة و الإصرار و الذاكرة طويلة الأجل جعلتها هكذا:

هيروشيما اليوم - صورة لإحتفال ذكرى القنبلة النووية

لم يسلم من الإنفجار سوى معلم واحد في المدينه بعد تحطمها, و هو قلعة هيروشيما التي احتفظ بها اليابانيون على حالها دون ترميم لكي لا ينسى الصغار الماضي.

لو ان هذي المدينه في السعودية, كان حوطناها بسور و قلنا عنها مدينه ملعونه و ممنوع الدخول فيها عشان ما يصاب الواحد بالإشعاعات النوويه (إذا كان فيه!)  و بالتالي بتصير كل المدن الي حولها مهجوره و يصير اي احد مسقط راسه ذيك المدينه منحوس و فأل سيء و بتصير ذكرى مخيفه نحاول نمحوها من وجه الأرض .

مع العلم ان المدينه الوحيده الي ممكن نقول عنها كذا هي تشرنوبل لكن الفرق ان هيروشيما ما فيها مواد مشعه لأنها ما كان فيها مفاعل نووي زي تشرنوبل…

لكن رين ليش قاعده تدافعين عن اليابانيين و تقارنينهم بأهلج السعوديين؟

لأني زهقت من الناس السطحيه الي تحكم على ثقافة البلد على حجم او لون عيونه, و على لغته بدون يا يتعبون نفسهم يقرأون او يفهمون تاريخ البلد…

من فيكم يعرف ان مدينة طوكيو, اكبر مدينة سناعية في اليابان و اهم مركز للتقنيه الحديثه في العالم, تحطمت و اعادوا بنائها اكثر من ثلاث مرات؟

اي الأقوى, قوم كفار يعبدون عدة آلهه و يؤمنون بتناسخ الأرواح, لكنهم يعيدون بناء بلدهم كل ما تحطم بقوة عين و تضامن النمل, ام قوم يعبدون رب واحد لكن انهزاميين, إذا غرق مركبهم في البحر تركوه للزراعه, و إذا نشفت الأرض راحوا للرعي, و إذا ما طاح مطر تركوا الرعي للشغل في الشركات و إذا امتلأت الشركات بالأجانب الي ياخذون مكانهم و ما لقوا فيها شغل راحوا سافروا برا ؟

عندنا اشياء كثيره لازم نفتح عيونا عليها و ما راح نحافظ عليها إذا ظلينا مستهترين بكل شي و خلينا حياتنا كلها وناسه و مطاعم و شغل مكتبي.

لازم نحافظ على الآثار الي عندنا و مو موجوده في اي مكان ثاني خصوصاً الآثار الدينيه (مدائن صالح؟ انا ساكنه طول عمري في السعوديه و حتى الآن ما اعرف مكان مدائن صالح الصحيح, في الشمال ام الجنوب, في صحراء ام لها طريق ممهد؟) و الممتلكات العامه  و مشاعر الناس و نظافة الطريق.

احياناً انقهر لما اشوف شارع في اليابان ما فيه حبة رمل وحده, و اشوف مبنى الكليه الي عندنا الي فيه عاملات نظافه شغالين على طول مع ذلك كله وصخ و اشياء مرميه على الأرض و شخابيط على الجدران -_-

هااااااااااااااااا ~~~

احسن شي في اليابان ان الممثلات عندهم ما يحطون طبقه عازله من الأسمنت المسلح على وجيههم إذا بيصورون حلقه حق مسلسل XD

السلام عليكم و رحمة الله و بركاته

صار لي فتره ما تحمست اكتب في المدونه, و أحس ان الموقع موجود على الفاضي (بتحقد علي قناة فتافيت ههههه )

شكل المدونه احد معطيها عين -_-

كل ما افتحها ابي اتكلم عن شي, يطير الكلام و ما اعرف كيف ابدا او عن ايش اتكلم

كنت ناويه اخلي المدونه تتكلم عن حياتي و الأشياء الي اشوفها و رأيي في الي حولي بدون لا ادخل في الكلام عن الدراما او الأنيمي او الفيجوال كاي و المنتديات و الرسم و الدول الي برا…

بس شكلي بكنسل و ابدا اكتب عن اشياء مهمه اكثر من حياتي الصغيره و الي ما فيها احداث  

الي خلاني اغير رأيي في توجه المدونه كان رسوم متحركه غبيه و ما لها هدف تنعرض على فناة نيكلوديون اسمه عالم الطباشير, إذا تجاهلنا الدبلجه الغبيه و الفكرة السطحيه للكرتون, بنكتشف ان الكرتون ما يعبر إلا عن المراهق الأمريكي الي يحتاج قوى خارقه عشان يستمر في حياته.يعني كارتون عادي جداً ما فيه اي فكره جديده…

تحسفت على ايام الأنيمي القديم الي كانت الفكره اهم من الرسم و الهدف اهم من الأكشن و الرومانس T_T

حتى الآن تنتج مسلسلات أنيمي تستحق المشاهده لفكرتها اكثر من رسومها او اغنية البدايه, لكنها صعب تلقاها لأن ميزانيتها تكون اصغر بالمقارنه مع انيميات مشهوره زي ناروتو و بليتش و سول إيتر…و الناس الي تشوفها ما تتكلم عنها لأن فكرتها اعمق من ان تطنز عليها او تسوي عليها قصص خياليه او ترسم شخصياتها الواقعيه لدرجة مخيفه, فـ يفضلون يطنزون على شخصيات خياليه غير واقعيه و يجارون الي يتكلمون عنه اصحابهم في المسنجر و النوادي يدون لا يحاولون يكشفون للآخرين ان ذوقهم احسن من هينقي نو جوتسو.

اكبر مثال على ذلك انيمي:  بوكورا نو - Bokurano - الي فكرته الرئيسيه اهم من عالم ناروتو و الننجا كله, و اغنية البدايه لحالها تفوز على كل اغاني البدايه و النهايه حق ناروتو و بليتش ثنينهم.

مثال ثاني: في المكان الذي تبكي فيه الهيقوراشي (الموسمين ثنينهم) - Higurashi no naku koro ni - في فكرتها الي مستحيل تلقى زيها لأنها تعتمد على وقائع حقيقيه مع بعض البهارات.

لكن ليش ناروتو و بليتش و سول إيتر و تورادوا تحصل من يترجمها عربي, و بوكرانو ما احد يفكر يتابعها أصلاً عشان يفكر يترجمها عربي؟

ما اعرف الإجابه, لكن الي لاحظته ان في اليابان, الناس تشتغل عشان توصل المعرفه و التسليه للجميع, لكن في السعوديه ما احد يشتغل إلا إذا بيلقى مديح على شغله.

اكبر مثال: منتديات الترجمه العربيه, و منتديات البرامج العربيه و مواقع رفع الملفات العربيه. قارنوها بمواقع مشابهه لكن يابانيه؟

مثلاُ ألو فن  في مقارنه مع نيكو دوغا؟

مستحيييييييييل

فرق كبير بين الي يستورد السكربتات للمواقع و يستورد المقاطع الي فيها و يستورد الأعضاء عن طريق عرض اشياء يحبونها, و عن الي يكتب السكربت للموقع بنفسه و يزيد عليه حسب حاجة الأعضاء , و الي ما يسمح بأي مقطع مسجل من قناة او ديفيدي إلا إذا كان عليه تعديل من قبل العضو, و الأعضاء مبلطين هناك طول اليوم لأنهم يقدرون يتشاركون كل شي, التعليقات و الضحك و المقاطع و الغناء و التجارب العلميه.

هذا يصير مو لأن العربي ما يعرف يكتب سكربت و لا كيف يخترع مواقع جديده, بل لأنه اكسل من ان يتعلم و يسوي الشغل بنفسه.

حتى الآن ما اعرف غير موقع عربي واحد ما عنده منتدى VB او PHP , لكن إذا تقدرون, عطوني موقع عربي ما عنده منتدى VB؟!

عطوني ويكي عربي ! و إذا فيه, ابي واحد ما يتعرض للهاكر و التخريب المتعمد كل ثلاث ايام؟

المتصفح العربي مشغول بالفراغ لدرجة ان ما عنده وقت يفكر في اشياء يسويها تفيده او تفيد غيره.

ما اقدر استثني إلا المتحدثين بالعربيه الي يترجمون دراما بضمير, و الي يكتبون معلومات صحيحه في ويكيبيديا و الفنانين الي يكتبون دروسهم على الإنترنت بدون مقابل. لكن للأسف الكثير من متحدثي العربيه هذول يسكنون خارج العالم العربي, لأسباب واضحه جداً هي انهم ما يبون ينحطون في خانه وحده معنا!

و يحق لهم!

the wonders of makeup(more like disguise) - Note: this is not me, its the general college population XD

أحياناً كثيرة اسمع ناس (خصوصاً بنات) يقولون عن ايام الدراسة انها اجمل ايام حياتهم

انا ما حسيت اني بديت حياتي إلا بعد ما خلصت الثانويه @_@

حتى الحين الكلية مو راضيين يهدوني -_- كل شوي مرسبيني في مادتين او ثلاث بدون اي سبب مقنع

الي جاب السالفه ان اليوم اختي في ثاني ثانوي علمي, المشرفه الطلابيه (يعني الوحده الي مطلوب منها تلعوز الطالبات و تفتش حياتهم الشخصيه عشان ترضي التعاميم) معطيه اختي  استبيان مطلوب فيه تقول لهم ليش مستواها ضعيف في المواد التاليه…

عاد مدري وش معطينها أحياء و كيمياء و مدري ايش بعد

@_@

الإستبيان تعبيه و تعطيهم إياه, يعني المشرفه ما عندها وقت تشوف الطالبه نفسها و تكلمها و تاخذ و تعطي معاها, اهم شي تتعبا الإستبيانات يعني ان المدرسه عندها إثبات انها تهتم بمصلحة الطالبات و تهتم بحالتهم النفسيه.

اختي كتبت لهم انها مو ضعيفه في الكيمياء, لكن مدرستهم ما فيها مختبر

XDDDDDDDD

و كتبت لهم انها مو ضعيفه في الأحياء, لكن المعلمه ما تعرف تشرح <- انا درست عن نفس هالمعلمه و أوافقها الرأي. الحمد لله اني كنت احب الأحياء و ادرسه بنفسي و لا اعتمد على شرحها (أو عدمه) لول

يدرسون مادة الحاسب الآلي, بس ما عندهم حواسب في المدرسه, كل شي نظري

انا ابي اعرف وش الهدف من الدراسه؟

ما احس اني تعلمت اي شي في المدرسه, الشي الوحيد الي تعلمته اني ابتسم و اسكت لما احد اكبر مني في الرتبه يتهمني بشي ما سويته

@_@

حتى في الكليه نفس الأشياء و نفس الشخصيات تصير, الفرق الوحيد ان الطالبه مسموح لها تصبغ وجهها و تلبس بلوزه كم قصير, و أن المعلمه (او الأستاذه) مسموح لها ترسب الطالبه بدون اي إثبات و ما احد يقدر يقول لها ليه.

._.!

إذا كان الطالب ما يستفيد من المعلومات لأنه ينساها اول ما يطلع من الإمتحان, و لا يستفيد من العلاقات الي كونها مع الطلاب و المعلمين في المدرسه, و لا يستفيد اي خبره في الحياه لأن الدراسه ماكله كل وقته حتى في بيتهم, و إذا كان ما عنده هوايات و  لا مواهب و لا فرص عمل لأنه كان مشغول طول عمره الدراسي انه يحفظ و يدرس, وش يستفيد من 13 سنة دراسه؟

AHAHAHAHAHA.... ha....

لما الله يبتليك و تكون عندك موهبة ما (اي موهبه كانت, حتى لو تقشير حب) بتلقى ناس فاضيين يستهبلون عليك .

السبب في أن الشباب في نفس عمري ما عندهم مواهب و لا هوايات, هو لأن عندهم مواهب و هوايات بس ما يتكلمون عنها

لما تصير تعرف ترسم, أول سؤال بيكون: طيب ارسمني

لو تعرف تعزف بيقولون: خلنا نسمع (أو إذا كانوا  مصدقين بيكون السؤال: و ناوي تصير مشهور؟)

لو تعرف تغني بيقولون: شارك في ستار اكاديمي

لو تعرف تجز العشب بيقولون لك: ودرست برا و لا لسه؟

ما أدري ليش يسألون هالأسئله الي ما تعطيهم اي معلومات جديده و لا تفيد الشخص الي قاعدين يسألونه

يعني مثلاُ ما كان يدري انه فيه مسابقات حق الشعر او الغناء او الرسم او التصوير؟

من ناحيتي تعذبت كثير بسبب ان الطالبات معاي في المدرسه يعرفون اني اعرف ارسم, غير التطنز الي يجيني ما بين فتره و فتره, و الفتاوى المجانيه الي تجيني لعند طاولتي, كان أسوأ شي ان المعلمات يكتشفون و يطلبون مني ارسم لهم ورود و زينه و أشياء على اللوحات المدرسيه -_-

حتى الآن فيه ناس يعتقدون ان رسم الناس نفس رسم الكراسي نفس رسم زخرفة الحناء و الفسيفساء!

يا عالم احنا “نرسم” مو “نصور فوتوغرافياً” الأشياء الي تشوفونها T___T

أحياناً أتمنى لو اقول حق احد: أعرف ارسم

و يكون جوابه: اوه وناسه, وش تحبين ترسمين اكثر شي؟

ليش ما أحد يصدق ان الناس الثانيين ممكن يكونون شاطرين في شي واحد على الأقل؟

جربها, قول حق اي احد تعرفه (مهما كانت درجة الثقه بينكم) و قول: أنا أعرف اتكلم ياباني - أو حط اسم اي لغه هنا

الجواب: صج؟ طيب قول شي بهاللغه

جربتها عشرين الف مره و كل مره يكون نفس الجواب مهما كانت اللغه سهله او صعبه

انا أبي أعرف رواد الفضاء وش يسوون لما احد يسألهم وش يشتغلون و يكون جوابهم: أنا رائد فضاء.

@_@

« Older Entries